Ríos de Montaña cheos de plásticos. Para chorar... Realmente para chorar. Dende fai uns anos atopo nos nosos ríos de montaña de todo: latas de cervexa e coca cola, papel aluminio, latas de conservas, algunha que outra botella e un longo etc. Ata,  onde hai contenedores de lixo, estes están vacios e ó redor cheo de porcalladas. Podo pór varios exemplos... A maioría das veces son de pescadores e algún "dominguero" que levan como levamos todos o bocadillo e que só pensan na súa cesta, xeralmente son os mesmos que meten todo á cesta e aínda por riba deixan as súas porcalladas, que non se reciclan, no lugar. A educación brilla pola súa ausencia. Ademais a súa intelixencia deixa moito que desexar, xa que seguro que volverán ó lugar e non lles gustará o que ven. Pero ultimamente empezo a ver con moita frecuencia plásticos, en ríos que non teñen pobos por riba de onde aparecen. Ver a fotografía que segue:

 

Fotografía do  río Navea en Chandrexa de Queixa. 20 de Maio 2008. Plásticos en 2 kms de río, nas árbores e moitos no fondo do río. Explicación: algún indesexable deixou un camión de lixo con plásticos e sabe Deus que...e as últimas riadas levárono ao río. O estercolero según a miña investigación está 500 metros arriba das pondras  da baixada de Taboazas en Chandrexa de Queixa. Por suposto non é dos señores que viven na Ferrería (catro kms. por riba do lugar, levan tempo na zona e nunca vín estos plásticos...), como me dicían os Gardas de Pesca,  e por suposto de ningún pobo, que non existe na zona. Repito para chorar... Imaxínome que o Concello de Chandrexa de Queixa (no lugar existe unha ruta sensacional...) tomará medidas e limpará o río, ofrézome para limpalo, basta que me avisen...pero estes tíos/as que fan estas cousas,  e as primeiras que comentei máis arriba,  merecen outro tipo de castigos... Non teñen conciencia, son uns auténticos egoístas con pouca ou nula educación e non se merecen nin ver estes lugares. "O descoñecemento é unha das causas graves da desgraza humana", dicía Epicuro.

 

A poucos metros da fotografía anterior saquei esta composición, trátase da  leiterena, unha das moitas plantas que existen neste lugar único.

Realmente esa xente non se merece contemplar esta foto.